Proxectos de linguaxe audiovisual desenvolvidos en colaboración co Fiver Festival e coa asociación Berde.
“Fiver sempre foi e segue sendo un territorio mutante, diverso, experimental, acolledor e transformador, pero o mundo cambiou moito nestes últimos tempos e sentimos que para seguir sendo aquilo que nos identificou desde o noso nacemento debemos apertar o botón de restablecer, crear novas estruturas sobre as mesmas bases, ser inspiradores e sostibles en todos os aspectos, repensar fórmulas contemporáneas de gobernanza e relación coas institucións, seguir a nosa intuición, facer maxia e abrazar o cambio de paradigma para bailar con el. Sentímolo así.
Non deixamos nin un só día de mirar e escoitar o que pasa ao noso ao redor, cos ollos e os oídos ben abertos, cos nosos e cos vosos, sen deixar de preguntarnos como ser útiles, como axudar aos que están e aos que aínda non están, como apoiar mellor os procesos, o traballo en rede, a formación en espazos híbridos, a creación de territorios transdisciplinares e un longo etcétera de necesidades do sector artístico actual.
Por ese motivo, movemos o foco e tras 10 anos xa non seguiremos co modelo de festival anual nin co dos premios e a competición internacional. Desde a nosa primeira edición tomamos ese modelo do mundo do cinema e usámolo como ferramenta de apoio económico ao xénero e aos e as creadoras de danza en pantalla e danza/tecnoloxía; isto posibilitounos entregar 50.000 euros nestas 10 edicións, pero creounos sempre demasiados compromisos e dependencia coa administración e un debate interno en canto a modelo de apoio piramidal. A partir de agora potenciaremos os concepto de plataforma, proxecto, espazo, laboratorio etc”.
Samuel Retortillo – Dirección Fiver
Fiver foi apoiado desde a súa creación por Teatros del Canal, Naves Matadero, Conde Duque, La Casa Encendida, Filmoteca de Madrid, Instituto Cervantes, Acción Cultural Española, Bienal de las Artes del Cuerpo, Imagen y Movimiento de Madrid BAC, ICAA, INJUVE, Gobierno de La Rioja, Festival Actual, Red Iberoamericana de Videodanza REDIV e diversas embaixadas e axencias de cooperación internacional, entre outras institucións.
Ofreceremos cea e bebidas para a xente que acuda a toda a programación
